Mediu Rural anuncia más d'un millón d'euros pa la EHE, tres nun "cumplir"

Asturias Ganadera denuncia mala xestión nel siguimientu de la enfermedá hemorráxica

El conseyeru de Mediu Rural y Política Agraria, Marcelino Marcos, almitió esti miércoles que'l Principáu nun “cumplió" col compromisu de pagar nel primer semestre a los ganaderos les perdes causaes dende setiembre de 2023 a abril de 2024 pola enfermedá hemorráxica epizoótica (EHE), pa la qu'anunció ayudes directes por valor de 1.068.000 euros a 506 esplotaciones afectaes.

Na so comparecencia na Xunta Xeneral, en respuesta al pidimientu del PP y del Grupu Mistu pa que'l Gobiernu rexonal pague a los ganaderos el costu de vacunación de les reses, amosóse “percontentu" de poder atender esta demanda nel casu de que'l Ministeriu “se comprometa a collaborar" pa faer frente a esti desembolsu, que nun ta atendiendo "nenguna comunidá autónoma".

"No único que-y doi la razón, ensin pudor en reconocelo", respondió Marcos al diputáu popular Luis Venta ye en que les ayudes pudieron ser pagaes nel primer semestre.